Tæðe-sessur af ýmsum stærðum. Allar ofnar úr tuskum þ.e. flíkum og heimilis textílum sem eru skorin niður og breytt í efni til vefnaðar. Hver Tæðe-sessa er einstök og er ofin úr efniviði úr skyrtum, bolum, buxum eða öðru efnum sem eru að öðlast áframhaldandi notagildi. Mig vantaði sessur á kollana mína, sígildir gamlir íslenskir eða innfluttir kollar. Voru til á heimili foreldra minna og annara þegar ég ólst upp. Þeir voru í eldhúsi og í bílskúr. Að mínu viti er ekkert almennilegt heimili án kolla. Það er hægt að stafla þeim þegar þeir eru ekki í notkun. Það er hægt að mála þá eftir þörf og áhuga hvers og eins eða ekki mála. Til að gera setuna þægilegri þá eru sessur fyrirtak. Ofnar úr tuskum, að sjálfsögðu. Böndin sem hnýtt eru um lappirnar eru handofin úr bómullargarni sem ég fékk frá konu sem vissi ekki hvað hún ætti að gera við það. Ekki endurunnið bómullargarn en fullnýtt

Tæðe:  Púðar / koddar / kuddar / dynor / cushions / 

Þessa tvo púða setti ég saman í maí á þessu ári. Innvolsið er úr ljótum púðum sem ég keypti á flóamarkaði. Ég átti blátt lak sem mér hafð verið gefið sem ég saumaði ver úr utanum tróðið. Böndin sem hnýta saman púðana eru eins og böndin í Tæðe sessunum; ofin úr garni sem ég hef fengið frá öðrum sem hafa hætt við að nota eða eitthvað. Böndin eru ofin í bandgrind. 
Hver púði og sessa eru einstök í heminum. Nema að einhver vefari, annars staðar á hnettinum, hafi akkúrat notað tuskur úr eins flíkum og ég og ofið úr þeim eins efni. Hver veit. 
​